مواقف متعدده مضحكه - نكت - فرفشه

النهارده، كنت بغيظ خطيبتى و بقولها فى بنت معايا فى الشغل بتقولى (يا وزتى) و عامل نفسى متضايق من الموضوع، قالتلى اوف انا كمان معايا واحد اسمه وليد فى الشغل، مبيعديش الشارع الا و هوا ماسك ايدى او حاطط ايده على كتفى، و بتكسف اقوله لا

مره، كان ساكن قدامنا عمال في الشقه اللي قدامنا فكان كل واحد ييجي يتكلم في التليفون ييجي قدام الباب عندنا ويعلي صوته ويشتم فمره والدتي اتضايقت فطلعت تزعق فأنا رحت مدخلها البيت فلقيت الجرس بيرن فطلعت لقيت واحد بيقولي هي بتزعق ليه دي ؟ وداخل عالبيت فأنا بزقوا لبره وبقولوا انت مالك انت وهو بيدخل وبيقولي هشوف بتزعق ليه وأنا أزقه وازعق فطلعت والدتي على الصوت وقالتلي دخلوا يا أهبل ده ابن خالك

النهارده, بكلم حبيبتي في التليفون علشان ننزل, قالتلي انا مش حقدر النهارده, قمت مكلم صاحبي علشان ننزل روحنا السنيما, لقيتها قاعده في الصف اللي قدامنا مع واحد تاني

النهارده، كنت شغال فى الصيدليه عادى المهم دخلت واحده وخدت حاجات بحوالى اربعه وخمسين جنيه راحت قالتلى هو مفيس دسكونت قاعدت ابص على الرفوف وقلتلها لا دا لسا خلصان و بعتنا نجيب، المهم لما الدكتور الكبير جه قلتله ابقى هات دسكونت علشان فى ناس كتيير بتسال عليه، الدكتور مات من الضحك :D

مره، روحت لواحد صاحبي البيت اول ما دخلت لاقيته فاتح الجهاز بتاعو ومتقل اوي في اللبس و قداموا طبق شوربه عمال يشرب فيها وقالي شوفت اللي حصلي قلتله ايه اللي حصلك، راح التليفون رن علي بال مرد عالتليفون، كنت انا ضربت طبق الشوربه، قولتله في ايه بقي قالي انا عندي اشتباه في انفلونزا الخنازير

مره، و انا فى اولى ثانوى بين الحصص كنت ماسك خشبه دكه وبلعب مع صاحبى، شافنى الاخصائى و راح شدنى على المديره و قالها بالحرف كده الواد ده عنده ميول عدوانيه و بيكسر فى الدكك و بيضرب اصحابه، و انا واقف مذهول و مصدوم، طلع استاذ تانى معرفش جه منين و قالها الواد ده مشاغب من السنه اللى فاتت، و انا كنت لسه فى سنه اولى

مره، كنت خارج انا و واحد صاحبى و معانا واحد صاحب صاحبي ده، المهم البت كانت قالتلي لما تيجي الساعه 8 كلمني، و الساعه كانت 8 وانا معييش رصيد ومفيش سنترالات في الحته اللي احنا فيها، سألت صاحبى معاك رصيد قالي لأ، فأستأذنت صاحب صاحبي ده و قولتله البت دي مش عايزها تزعل مني لأنها ساعات بتفك زنقتي و جدعه، قالي قول الرقم، قولتله الرقم و بيدوس اتصال، لقى الرقم متسجل عنده باسم اخته  :D